უკრაინის უმაღლესმა რადამ, სახალხო დამცველს, ლუდმილა დენივას უნდობლობა გამოუცხადა და უფლებამოსილება შეუჩერა.
გადაწყვეტილებას 234-მა დეპუტატმა დაუჭირა მხარი.
პრეზიდენტ ზელენსკის პარტია ხალხის მსახურმა გამოთქვა უკმაყოფილება ომბუდსმენის საქმიანობის შესახებ. რადაში რეგლამენტის კომიტეტის თავმჯდომარე, პაველ ფლოროვი ამბობს, რომ რამდენიმე პრეტენზია არსებობს დენისოვას მიმართ:
- ლუდმილა დენისოვამ მტკიცებულებებით ვერ დაადასტურა ოკუპირებულ ტერიტორიებზე სექსუალური დანაშაულებისა და ბავშვების გაუპატიურების მრავალი ფაქტი, რითაც ზიანი მიაყენა უკრაინას.
- არ იყო აქტიური ჰუმანიტარული დერეფნების მოწყობასა და ტყვეების გაცვლის პროცესში
- 24 თებერვლის შემდეგ დიდი დრო გაატარა საზღვარგარეთ
პოსტიდან გადაყენების შესახებ ინფორმაცია დენისოვამ 30 მაისს გაავრცელა. მისი თქმით, გათავისუფლების გადაწყვეტილება, სავარაუდოდ, პრეზიდენტთან შეხვედრის შემდეგ იქნა მიღებული.
