კობახიძე: ზურაბიშვილმა სცადა სასამართლოს დაზიანება, თუმცა, პრეზიდენტის ინსტიტუტი დააზიანა

26 მაისს, საზეიმო დღეს როცა არ იცი რაზე უნდა ისაუბრო, ეს არის ძალიან სერიოზული პრობლემა და ამაზე უნდა მივანიშნოთ საქართველოს პრეზიდენტს, იმისთვის, რომ დავიცვათ პრეზიდენტის ინსტიტუტი. ამ არასწორი განცხადებით, მან სცადა რა თქმა უნდა სასამართლო სისტემის, ანუ ინსტიტუტის რეპუტაციის დაზიანება, თუმცა, სინამდვილეში დააზიანა პრეზიდენტის ინსტიტუტი. ეს არის რეალობა. ჯერ კონტექსტი უნდა იცოდე, როდის რა განცხადება გააკეთო და მეორე, შინაარსში საჭიროა არგუმენტები. ოპოზიცია რომ აკეთებს არგუმენტების გარეშე განცხადებებს, ეს ერთია, მაგრამ პრეზიდენტი როდესაც აკეთებს არგუმენტების გარეშე განცხადებებს და თავს ესხმის სახელმწიფო ინსტიტუტს, ეს არის რა თქმა უნდა სერიოზული პრობლემა და ეს არის სერიოზული გადახვევა იმ როლიდან, რაც აქვს პრეზიდენტს, როგორც ინსტიტუტის დამცველს.