ჩემი აზრით, ეს [რეფერენდუმი ოკუპირებულ ცხინვალში] იქნება რეპეტიცია უკრაინის მიწაზე დიდი რეფერენდუმის ჩასატარებლად. პირველ რიგში, მათ სურთ, ნახონ, იმუშავებს თუ არა პატარა რეფერენდუმი. ასევე, ეს მცირე გამარჯვება იქნება - მათ რაღაც მაინც უნდა გამოაცხადონ, გამარჯვებად სამხრეთ ოსეთს გამოაცხადებენ. ამ საკითზე კითხვა მაქვს საქართველოს მთავრობასთან, ვიცი, ისინი რას მიპასუხებენ, მაგრამ რიტორიკული შეკითხვა ასეთია - საერთოდ, რამის გაკეთებას აპირებთ თქვენს ტერიტორიულ მთლიანობასა და ხელშეუხებლობასთან დაკავშირებით? თუ როგორ მოიქცევით? ისევ არესტოვიჩთან იკამათებთ?
[...] საქართველოს შეიარაღებული ძალების მდგომარეობას არ ვიცნობ და ვერ შევაფასებ, თუმცა კარგად ვიცი საქართველოს მთავრობის მდგომარეობა - ისინი არ გამოიყურებიან ქმედუნარიანად. შესაძლოა, იყვნენ, თუმცა ჩემთვის არ ჰგვანან. იმიტომ, რომ საქართველოს ლიდერებს არ შეუძლიათ, პოლემიკაში შევიდნენ პრეზიდენტის ორ მრჩეველთან - ჩემთან და პოდოლიაკთან. მათ ზუსტად ეს გააკეთეს პრემიერმინისტრის, მმართველი პარტიის ლიდერის დონეზე. ეს მაშინ ხდება ხოლმე, როდესაც ზუსტად მტკივნეულ ადგილას ურტყამ.