ინდოეთსა და ნეპალში ძლიერ წვიმით გამოწვეულ წყალდიდობასა და მეწყერს 180 ადამიანის სიცოცხლე ემსხვერპლა.
BBC-ის ინფორმაციით, სტიქიურმა უბედურებამ ინდოეთის უტარაკანდისა და კერალას შტატებში საცხოვრებელი სახლები, ხიდები, გზები, სოსოფლო-სამეურნეო ნათესები და კრიტიკული ინფრასტრუქტურა დააზიანა.
შინაგან საქმეთა სამინისტროს ცნობით, 1 600-მდე საცხოვრებელი სახლი დაზიანებული ან სრულად განადგურებულია, წყალდიდობით დაზარალებულთა რაოდენობა რამდენიმე ათასს აღწევს.
გადაუღებელი წვიმის გამო, ორი დღეა ვერ ხერხდება ნეპალის სოფელ სეთიმდე მიღწევა, სადაც 60-მდე ადამიანია ჩარჩენილი.
მეტეოროლოგების პროგნოზით, ინდოეთში ნალექის შემცირება შეიმჩნევა, ნეპალში კი ძლიერი წვიმა და სტიქიური უბედურება კიდე რამდენიმე დღე გაგრძელდება.
