რუსეთში მცირე ზომის თვითმფრინავი L- 410 ჩამოვარდა. რუსული მედიის ინფორმაციით, ბორტზე 16 ადამიანი იმყოფებოდა, დაიღუპა 4 ადამიანი, მათ შორის პილოტი და 3 მგზავრია. 12 ადამიანის მდგომარეობა მძიმეა. ბორტზე ბავშვები არ იმყოფებოდნენ.
ადგილზე დაახლოებით მობილიზებულია 50-მდე მაშველი და 10-მდე ტექნიკა. წინასწარი მონაცემებით, თვითმფრინავს დაშვებისას ცეცხლი გაუჩნდა და შემდეგ ნაწილებად დაიშალა.
თვითმფრინავი ირკუტსკიდან კაზაჩინსკოს დასახლებაში მიფრინავდა. შემთხვევის გამომწვევი მიზეზები ჯერჯერობით უცნობია.
