37 წლის სამხრეთაფრიკელმა ქალმა, გოსიამე თამარა სიტოლემ, 10 ბავშვი გააჩინა. ინფორმაცია გამოცემა BBC-ის სამხრეთ აფრიკის ოფიციალურმა პირებმა დაუდასტურეს.
"შვიდი ბიჭი და სამი გოგო შეგვეძინა. ძალიან ბედნიერი ვარ, ემოციური მომენტია, მეტს ვერაფერს ვიტყვი". – ამბობს მამა, ტებოჰო ტსოტესი.
მშობლების თქმით, ექოსკოპიაზე მხოლოდ 8 ბავშვი ჩანდა. წყვილს სულ 12 შვილი ჰყავს, 6 წლის წინ გოსიამეს და ტებოჰოს ტყუპები შეეძინათ.
სავარაუდოდ, სიტოლე მსოფლიო რეკორდსმენია. ერთი თვის წინ აფრიკის კონტინენტს კიდევ ერთი მრავალშვილიანი დედა შეემატა, 25 წლის მალელმა ჰალიმა სისემ 9 ბავშვი გააჩინა.