"ნაცვლად იმისა, რომ სამართლიანმა არჩევნებმა გამოაქვეყნოს იმ უბნების სია, სადაც პარალელური დათვლა ჩაატარა და თავი არ აარიდოს ჩვენ მიერ დასმულ კითხვებს, აქვეყნებს „განცდებზე“ დაფუძნებულ დასკვნას და „აჩენს განცდას“, რომ მას დამოუკიდებელ ადმინისტრაციულ ორგანოზე ზეწოლა და მისი დისკრედიტაცია სურს". - ასე ეხმაურება ქართული ოცნების დეპუტატი შალვა პაპუაშვილი ISFED-ის განცხადებას.
ამის შესახებ ის Facebook-ზე წერს.
"აჩენს განცდას, რომ…“
სამწუხაროა, „სამართლიანმა არჩევნებმა“, ნაცვლად იმისა, რომ არჩევნებიდან შვიდი თვის თავზე მაინც გამოაქვეყნოს იმ უბნების სია, სადაც პარალელური დათვლა ჩაატარა და თავი არ აარიდოს ჩვენ მიერ დასმულ კითხვებს, აქვეყნებს „განცდებზე“ დაფუძნებულ დასკვნას და ამით „აჩენს განცდას“, რომ მას დამოუკიდებელ ადმინისტრაციულ ორგანოზე ზეწოლა და მისი დისკრედიტაცია სურს.
მოდით, ამ შვიდთვიანი უსაგნო ჯანჯღარიდან რამე მაინც ვისწავლოთ, შევეშვათ „განცდებს“, „აღქმებს“, „შთაბეჭდილებებს“ და ვისაუბროთ ფაქტებითა და მტკიცებულებებით". - წერს პაპუაშვილი.
სამართლიანი არჩევნები (ISFED) ცესკოში რეორგანიზაციის პროცესს ნაჩქარევად აფასებს და აცხადებს, რომ ამას მოწმობს 5-მარტიდან 14 მაისის პერიოდში რეგლამენტში ორჯერ განხორციელებული ცვლილება და ახლად შექმნილი დეპარტამენტების მოკლე ვადაში კვლავ რეფორმირება.
