კორონავირუსი საქართველოში

იმნაძე Sinopharm-ზე: საწყალი ემირატები, კვლევის შედეგები არ ჰქონდათ და თავი გასწირეს, ხომ?

საქართველოს ისრაელს ნუ შევადარებთ, ხომ? არაბთა გაერთიანებული ემირატების სიმდიდრე და საქართველოს სიმდიდრე ერთნაირი არ არის, ხომ? არაბთა გაერთიანებულ ემირატებში თუ ჩინური ვაქცინით იცრებიან ძალიან ფართოდ? უნგრეთში თუ იცრებიან ჩინური ვაქცინით ძალიან ფართოდ? სერბეთი, დაახლოებით, ჩვენნაირი ქვეყანაა, იქაც ჩინური ვაქცინით იცრებიან.  

რატომ არის ეს აჟიოტაჟი, არ მესმის. ეს არის რეალობა, იცრები იმითი, რაც არის. ჩემი შვილი ჩინურ ვაქცინაზე ჩაეწერა, სხვათა შორის, ძლივს ჩაეწერა, იმიტომ, რომ ძალიან უცებ შეივსო უახლოესი დღეების ადგილები. მე საერთოდ ვერ ვხედავ, მთავარია, ვაქცინა იყოს.  საწყალი არაბთა ემირატები, როცა არაბეთის ემირატების ემირები იცრებიან, პრემიერმინისტრი აიცრა ემირატების, სინოფარმით არა, მაგრამ ერდოღანი სინოვაკით აიცრა და საწყლებს არ ჰქონდათ კვლევების შედეგები და თავი გასწირეს, ხომ? კარგით, რა...

ამბობს დაავადებათა კონტროლის ეროვნული ცენტრის დირექტორის მოადგილე, პაატა იმნაძე ფორმულასთან ინტერვიუში. 

27 აპრილიდან საქართველოში ჩინური სინოფარმით ვაქცინაციისთვის დარეგისტრირება 18 წელს ზემოთ მოქალაქეებისთვის არის შესაძლებელი. ჩინური წარმოების ვაქცინის, სინოფარმის 100 000 დოზა საქართველოში აპრილის დასაწყისში შემოვიდა, თუმცა, იმ პირობით, რომ აპრილის ბოლომდე ავტორიზაციას გაივლიდა და მხოლოდ ამის შემდეგ დაიწყებოდა სინოფარმით აცრები. ამის მიუხედავად, ვაქცინაციის საბჭომ მიიღო გადაწყვეტილება, მაისის დასაწყისში, აღდგომის დღესასწაულების შემდეგ, თუნდაც არაავტორიზებული ვაქცინა ჩართოს პროცესში

კომენტარები