ნიცა, საფრანგეთი. Reuters/Eric Gaillard
ძლიერი წვიმის შედეგად ჩანგრეული გზა საფრანგეთშიReuters/Eric Gaillard
ადიდებული მდინარის მიერ დაზიანებული ხიდი სამხრეთ საფრანგეთშიReuters/Eric Gaillard
საფრანგეთსა და იტალიაში ძლიერი წვიმების შედეგად 2 ადამიანი დაიღუპა, 25 კი ამ დრომდე დაკარგულად ითვლება. ინფორმაციას Reuters-ი ავრცელებს.
საფრანგეთსა და იტალიაში ძლიერმა წვიმამ და ქარიშხალმა ქუჩები და საცხოვრებელი სახლები დააზიანა.
ქარიშხალმა ზღვისპირა ქალაქ ნიცასთან რამდენიმე სოფელს გადაუარა. მერის, კრისტიან ესტროსის თქმით, დაახლოებით, 100 სახლი დაზიანდა, ასევე, დაზიანებულია გზებიც. საფრანგეთში, სულ მცირე, 8 ადამიანს ეძებენ, მათ შორის ორი მეხანძრეა.
იტალიაში, სულ მცირე, ორი ადამიანი დაიღუპა - ერთ-ერთი მეხანძრეა, მეორე კი 30 წლის კაცი, რომლის მანქანაც მდინარეში ჩაიძირა, მას შემდეგ, რაც გზა დაზიანდა.
იტალიაში 17 ადამიანს ეძებენ. მათ შორის არის გერმანიის ექვსი მოქალაქე - ისინი კუნეოს პროვინციაში მთაში მოგზაურობდნენ.
