დასავლეთ უკრაინაში წყალდიდობას 3 ადამიანი ემსხვერპლა

დასავლეთ უკრაინაში, ივანო-ფრანკივსკის რეგიონში, ვერხოვინას რაიონში, წყალდიდობის შედეგად სამი ადამიანი დაიღუპა. წყალდიდობის გამო ამ ადგილამდე მისასვლელი გზები დაიტბორა.

წყალდიდობამ მოიცვა დასავლეთ უკრაინის რეგიონები ივანო-ფრანკოვსკი, ჩერნოვცი (ჩერნოვცის ოლქი), იმიერკარპატები - ზაკარპატია და ლვოვი.

უკრაინის პრემიერმინისტრი, დენის შმიგალი და შინაგან საქმეთა მინისტრი, არსენ ავაკოვი ტრაგედიის ადგილას ჩავიდნენ. 

ამჟამინდელი ინფორმაციით, 187 სოფელში, დაახლოებით, 5 000 სახლი დაიტბორა. 

22 ივნისიდან, მას შემდეგ, რაც ძლიერი წვიმა დაიწყო, დაახლოებით, 800-მა ადამიანმა დატოვა საცხოვრებელი სახლი. 

ქვეყნის შინაგან საქმეთა სამინისტროში აცხადებენ, რომ წლების განმავლობაში ეს ერთერთი ყველაზე ძლიერი წყალდიდობაა. 

ადგილზე სამუშაოდ გაგზავნეს ერთი თვითმფრინავი, ოთხი ვერტმფრენი და 150 სამხედრო.