ინფექციური საავადმყოფოს კლინიკური დირექტორის მარინა ეზუგბაიას ცნობით, კლინიკაში ერთი მძიმე და ერთი კრიტიკული პაციენტი რჩება.
ამ ეტაპზე, ინფექციურ საავადმყოფოში 42 პაციენტი მკურნალობს, აქედან ერთი შესაძლო შემთხვევაა, 41-ს კი აქვს დადასტურებული ახალი კორონავირუსი.
ახალი გამოჯანმრთელებული 9 პაციენტიდან სამი ინფექციურ საავადმყოფოში მკურნალობდა. კლინიკაში ჯამში 85 პირი გამოჯანმრთელდა.
ეზუგბაიას თქმით, ბოლო 10 დღის განმავლობაში კორონავირუსით ინფიცირების ახალი დადასტურებული შემთხვევების კლება აღინიშნება, - "კლინიკებში მკურნალობაზე რჩება 319 პაციენტი,10 - კოვიდის ცენტრში".
საქართველოში ახალი კორონავირუსის 626 შემთხვევაა დადასტურებული, აქედან 297 ადამიანი გამოჯანმრთელდა, გარდაიცვალა 10 პაციენტი.
