პირველ საუნივერსიტეტო კლინიკის დირექტორის ლევან რატიანის თქმით, კლინიკაში კორონავირუსით ინფიცირებული 70 პაციენტია მოთავსებული. რვა მათგანი რეანიმაციაში მკურნალობს, აქედან ერთის მდგომარეობა კრიტიკულია.
"ჰემოდინამიკა მკვეთრად არასტაბილურია და ხორციელდება რეანიმაციული ღონისძიებები. 4 პაციენტი არის სუნთქვის ხელოვნურ აპარატზე, დანარჩენები ჟანგბადის თერაპიაზე. მიმდინარეობს მათი მონიტორინგი"- ამბობს რატიანი.
რატიანის თქმით, საუნივერსიტეტო კლინიკას დღეს 7 გამოჯანმრთელებული პაციენტი დატოვებს.
მისივე ინფორმაციით, კორონავირუსით ინფიცირებული სამედიცინო პერსონალის მდგომარეობა სტაბილურია.
3 მაისის დილის მონაცემებით, კორონავირუსი დაუდასტურდა 7 ადამიანს და ინფიცირებულთა რიცხვი 489 გახდა. გამოჯანრთელდა 215 და გარდაიცვალა 8 ადამიანი.
