კინოსტუდია Paramount მძაფრსიუჟეტიანი ფილმის The Saint რიმეიქზე მუშაობას იწყებს. მთავარ როლზე სტარ ტრეკის ვარსკვლავი კრის პაინია დამტკიცებული.
მომავალი ფილმის სცენარზე სეტ გრემ-სმიტი იმუშავებს, რეჟისორის სკამს როქეთმენის შემქმნელი დექსტერ ფლეტჩერი დაიკავებს.
ორიგინალი ფილმი 1997 წელს გამოვიდა, სიუჟეტის ცენტრში ლეგენდარული ჯაშუში, გარდასახვის ნამდვილი ოსტატი - საიმონ ტამპლიერია. მთავარი გმირი რუსი ბიზნესმენისგან დავალებას იღებს, უკანასკნელ საქმედ ჩაფიქრებული მისია წარმოუდგენლად რთული აღმოჩნდება.
ძველ ფილმში, ტამპლიერის როლი მსახიობმა ველ კილმერმა შეასრულა.