შინაგან საქმეთა სამინისტროს ინფორმაციით, დაკავებულია პირი, რომელიც ბაღდათში პოლიციელს თავს დაესხა და დაჭრა.
1972 წელს დაბადებული ა.ს., მუქარისა და პოლიციელზე თავდასხმის ბრალდებით, ბაღდათის მუნიციპალიტეტის სოფელ ხანში დააკავეს.
შსს-ს ცნობით, შემთხვევის შედეგად დაშავებულ პოლიციელს პირველადი სამედიცინო დახმარება გაეწია და ის ამჟამად აგრძელებს სამსახურებრივი მოვალეობის შესრულებას.
მომხდარზე გამოძიება გამოძიება საქართველოს სისხლის სამართლის კოდექსის 353-ე პრიმა მუხლის მე-2 ნაწილით და 151-ე მუხლის 1-ლი ნაწილით მიმდინარეობს. დანაშაული 7-დან 11 წლამდე თავისუფლების აღკვეთას ითვალისწინებს.
17 აპრილს, პირმა ბაღდათში გამოძახებაზე მისულ პოლიციელს ჯერ ცეცხლსასროლი იარაღიდან ესროლა, შემდეგ კი ცივი იარაღით დაჭრა.
