მსახიობებს თავიანთი როლების შესასრულებლად ბევრ დათმობაზე უწევთ წასვლა. ზოგჯერ, ისინი საკუთარ ჯანმრთელობასაც ივიწყებენ და რას აღარ აკეთებენ: წონაში იკლებენ/იმატებენ, ფსიქიკურ ტრავმებს იღებენ, გაურკვეველ ადგილებში დაძვრებიან...თუმცა, არის შემთხვევები, როდესაც ზოგიერთი მათგანი რეჟისორების გარკვეულ მოთხოვნებს არ ითვალისწინებს. ამჯერად , გაგაცნობთ მსახიობებს, რომლებმაც კამერის წინ გაშიშვლებაზე უარი თქვეს.
ჯულია რობერტსი
ჯულია რობერტსი კამერის წინ გაშიშვლებაზე უარს აცხადებს. მსახიობმა ერთ-ერთ ინტერვიუში აღნიშნა: "ვინც არ უნდა მთხოვოს, იცოდეს, რომ ამას არ გავაკეთებ და როგორც სამი შვილის დედა, ვფიქრობ, რომ ეს სწორი გადაწყვეტილებაა"
სემიუელ ელ ჯექსონი
იყო პერიოდი, როდესაც სემუელ ელ ჯექსონს თავისი სხეული კამერისთვის უჩვენებია, თუმცა ბოლო წლების განმავლობაში ის გაშიშვლებაზე ყოველთვის უარს ამბობს და დუბლიორს ითხოვს.
სარა ჯესიკა პარკერი
სარა ჯესიკა პარკერი საკულტო სერიალის "“Sex and The City” მსახიობებს შორის ერთადერთია, რომელიც ეკრანზე შიშველი არ გამოჩენილა.
ჯესიკა ალბა
"არ მინდა ბაბუამ და ბებიამ ჩემი მკერდი ნახონ, ეგაა და ეგ. შობას ძალიან უხერხულად ვიგრძნობ თავს. თანაც, ბევრი სიშიშვლე ფილმში, მას ფასს არ მატებს." თქვა მსახიობმა.
ბლეიქ ლაივლი
როლებისთვის არც ბლეიქ ლაივლი შიშვლდება. მსახიობის თქმით, როდესაც ის ფილმში შიშველ მკერდს ხედავს, მხოლოდ მასზე ფიქრობს და სხვაზე ვერაფერზე, ამიტომაც, თვითონ ასეთი სცენების გადაღებას არასდროს დათანხმდება.