სახელმწიფო უსაფრთხოების სამსახურმა ქრთამის აღების ფაქტზე, თეთრიწყაროს მერიის თანამშრომელი დააკავა. დაკავებული ლაშა ქ. მუნიციპალიტეტის მერიის ქონების მართვის განყოფილების უფროსია.
გამოძიების ინფორმაციით, ლაშა ქ-მ თანამდებობრივი მდგომარეობის გამოყენებით, თურქეთის მოქალაქეს, თეთრიწყაროს მუნიციპალიტეტის ტერიტორიაზე არსებული მიწის ნაკვეთის იჯარით გაცემის სანაცვლოდ ქრთამის სახით მოსთხოვა და გამოართვა 1000 ლარი.
გამოძიება ქრთამის აღების ფაქტზე, საქართველოს სსკ-ის 338-ე მუხლის 1-ლი ნაწილით, მიმდინარეობს, რაც სასჯელის სახით 6-დან 9 წლამდე თავისუფლების აღკვეთას ითვალისწინებს.
