EPA
Italian Police
AFPიტალიის პოლიციის ანტი-ტერორისტულმა დანაყოფმა ჩრდილოეთ იტალიაში ულტრა-მემარჯვენე ექსტრემისტული დაჯგუფებისაგან იარაღის დიდი რაოდენობა, მათ შორის რაკეტა ამოიღო.
სამი პირი იარაღის უკანონო შეძენა-შენახვისა და ნეო-ნაცისტური პროპაგანდის გამო დააკავეს.
დაკავებულთაგან ერთი 50 წლის იტალიელი ფაბიო დელ ბერჯიოლოა, რომელიც ულტრა-მემარკვენე "ახალი ძალის" პარტიის აქტივისტია. ასევე დაკავებულა კიდევ ერთი იტალიელი კაცი, 51 წლის ფაბიო ბერნარდი და შვეიცარიის მოქალაქე, 42 წლის ალესანდრო მონტი.
იტალიის პოლიციის მიხედვით რაკეტა ფრანგული Matra Super 530 F ტიპისაა და ამ მოდელს კატარის არმია იყენებს.
რეიდი იტალიური ულტრა-მემარჯვენე ჯგუფების მხრიდან უკრაინაში რუსეთის მიერ მხარდაჭერილი სეპარატისტების დახმარების გამოძიების ფარგლებში ჩატარდა.
შეგახსენებთ, რომ 3 ივლისს გენუის სასამართლომ 3 პირს უკრაინის დონეცკის და ლუგანსკის რეგიონებში რუსეთის მიერ მხარდაჭრილი სეპარატისტების გვერდით ბრძოლის გამო პატიმრობა შეუფარდა.
