ინგლისელი მუსიკოსი, მსახიობი და პროდიუსერი დევიდ ბოუი 1947 წლის 8 იანვარს დაიბადა, 2016 წლის 10 იანვარს კი 69 წლის ასაკში კიბოთი გარდაიცვალა. ბოუი კიბოს 18 თვის მანძილზე ებრძოდა.
ლეგენდარული მუსიკოსი სცენაზე 1963 წელს გამოჩნდა. კარიერის განმავლობაში არაერთი პერსონაჟი შექმნა და გარეგნობა შეიცვალა, თუმცა, 1999 წლიდან გარდაცვალებამდე კი მან ნაკლებად ექსპერიმენტალური სტილი შეინარჩუნა, ატარებდა მბრწყინავ პიჯაკს მასზე დამაგრებული ყვავილით, მოშვებულ ჰალსტუხს ან ბაფთას და კვლავ შესანიშნავ მუსიკას ქმნიდა.