საქართველოს შინაგან საქმეთა სამინისტროს ინფორმაციით, სწრაფი ჩარიცხვის აპარატის გაქურდვის მცდელობისთვის 1996 წელს დაბადებული ვ.კ. და 2000 წელს დაბადებული გ. ჩ. დააკავეს.
"ბრალდებულები თბილისში, ჭავჭავაძის გამზირზე მდებარე სწრაფი ჩარიცხვის ერთ-ერთი აპარატიდან თანხის მოპარვას ცდილობდნენ, რა დროსაც პოლიციამ ისინი ადგილზევე დააკავა", - აღნიშნავენ შსს-ში.
მათივე ინფორმაციით, გამოძიება წინასწარი შეთანხმებით ჯგუფის მიერ ქურდობის მცდელობის ფაქტზე, საქართველოს სისხლის სამართლის კოდექსის 19-177-ე მუხლის მე-3 ნაწილის "ა" ქვეპუნქტით მიმდინარეობს. დანაშაული 4-დან 7 წლამდე ვადით თავისუფლების აღკვეთას ითვალისწინებს.