მაშველებმა მაგნიტოგორსკში კორპუსის ნანგრევებიდან 11 თვის ბავშვი ცოცხალი ამოიყვანეს. ინფორმაციას ამის შესახებ bbc ავრცელებს.
ჩვილი სახელად ივანი, -17 გრადუს ყინვაში ნახევრად ჩაცმული იყო ნანგრევებში. მას სერიოზული დაზიანებები აქვს და მოსკოვის საავადმყოფოში გადაიყვანეს.
საგანგებო მდგომარეობის მინისტრის თქმით, ბავშვის დედაც გადარჩა და ის უკვე გაემგზავნა თავის შვილთან.
კორპუსის ნანგრევებში უკვე 8 გარდაცვლილი ადამიანი იპოვეს, შესაძლოა გარდაცვლილების რიცხვი კიდევ გაიზარდოს. 36 ადამიანი ამ დრომდე დაკარგულად ითვლება.
მაგნიტოგორკში აფეთქების შედეგად კორპუსის ნაწილი ჩამოინგრა. კორპუსში 48 ბინა იყო და დაახლოებით 120 ადამიანი ცხოვრობდა.
