ზაზა ფაჩულია Golden State Warriors-დან Detroit Pistons-ში გადადის.
ერთწლიანი კონტრაქტით, რომელზე შეთანხმებაც უკვე მიღწეულია, ქართველი კალათბურთელი, სულ მცირე, 2.4$-ს მიიღებს.
34 წლის ფაჩულიამ Golden State Warriors-ში ორი სეზონი გაატარა და ამ კლუბთან ერთად ჩემპიონის ბეჭედიც მოიპოვა.
ფაჩულია NBA-ში, აშშ-ის ნაციონალურ საკალათბურთო ასოციაციაში 2003 წლიდან თამაშობს. ბოლო სეზონზე ის თითო თამაშში საშუალოდ 5.7 ქულას, 5.3 მოხსნასა და 2.1 შედეგიან გადაცემას აგროვებდა.