ბაქრაძე: დებატებში მონაწილეობას არ მივიღებთ

ჩვენი დღევანდელი დებატი არის პოლიტიკური დებატი საპარლამენტო სუბიექტებს შორის, მაგრამ ყველას გვესმის, რომ დღეს არ არის ჩვეულებრივი საპარლამენტო დისკუსია უმრავლესობას და უმცირესობის ფორმატში. დღეს შექმნილია არაორდინალური პოლიტიკური სიტაცია და შექმნილ პოლიტიკურ სიტუაციაში, უმრავლესობის გადაწყვეტილების ფონზე, რომელმაც მხარი არ დაუჭირა იმ გზას, იმ ფორმას, რომელიც საშუალებას მოგვცემდა, პრეზიდენტი დაბრუნებულიყო და მონაწილეობა მიეღო დისკუსიაში, უმცირესობასაც მიზანნშეუწონლად და შეუძლებლად გვეჩვენება დებატებში მონაწილეობის გაგრძელება, ამიტომ დებატებში ჩვენი მონაწილეობა აღარ იქნება და კიდევ ერთი - იმედს ვიტოვებ, ხვალინდელი დღიდან, ასეთივე პრინციპული იქნებით რეგლამენტის შესრულებაში, მაშინ როცა საკითხი ეხება მინისტრების მობრძანებას პარლამენტში, ასევე დაიცავთ რეგლამენტს და ადგილი არ იქნება ორმაგ ინტერპრეტაციას მინისტრების სასარგებლოდ და პრეზიდენტის საზიანოდ