სირიაში რუსული სამხედრო-სატრანსპორტო თვითმფრინავი, Ан-26 ჩამოვარდა. დაიღუპა 32 ადამიანი - 26 მგზავრი და ეკიპაჟის 6 წევრი.
ინფორმაციას რუსული მედია თავდაცვის სამინისტროზე დაყრდნობით ავრცელებს.
"ადგილიდან მოწოდებული პატაკის მიხედვით, თვითმფრინავზე ხანძარი არ ყოფილა. რუსეთის თავდაცვის სამინისტრო სწავლობს კატასტროფის გამომწვევ ყველა შესაძლო მიზეზს", - აცხადებენ უწყებაში.
წინასწარი ინფორმაციით, მიზეზი სავარაუდოდ ტექნიკური გაუმართაობა გახდა.
რუსულ ავიაციას მსგავსი მსხვილი ინციდენტი 3 თებერვალსაც შეემთხვა - მაშინ იდლიბის პროვინციაში Су-25 ჩამოვარდა. დაიღუპა პილოტი.