The Breakfast Club - 5 განსხვავებული თინეიჯერის ისტორია, რომლებსაც სკოლაში ერთად მოუწევთ სასჯელის სახით საერთო სივრცეში გამოკეტვა. შედეგად, ისინი აღმოაჩენენ, რომ არც ისე განსხვავდებიან ერთმანეთისგან, როგორც თავიდან ეგონათ მათაც და სხვებსაც. 
Reality Bites - თუ გაინტერესებთ, რა აწუხებდათ, აბრაზებდათ, აღელვებდათ, უყვარდათ 90-იან წლებში ახალგაზრდებს, ეს ფილმი უნდა ნახოთ. გაიგეთ მეტი Generation X-ის შესახებ.
When Harry Met Sally - იაფფასიან რომანტიკულ კომედიას ნუ წარმოიდგენთ. ფილმში ბევრი სახალისო, საინტერესო და სხარტი დიალოგია. ის ასევე ეხება ერთ-ერთ მთავარ დისკუსიას ურთიერთობებზე - შეუძლიათ თუ არა ქალებსა და კაცებს იყვნენ უბრალოდ მეგობრები? 
Thelma & Louise - ორი ქალის მეგობრობის ისტორია და თავგადასავლები. ფილმი დღეს უკვე კლასიკად ითვლება. ის იშვიათი ჰოლივუდური ფილმია, სადაც ქალი პერსონაჟები ძლიერები და საინტერესოები არიან. ბონუსად ბრედ პიტსაც ნახავთ, მაისურის გარეშე, ეს მისი პირველი ფილმია.
Big - თუ ეს ფილმი ჯერ არ გინახავთ, სასწრაფოდ გაიქეცით და ნახეთ, როგორ ცხოვრობს ზრდასრული, რომელიც სინამდვილეში ბავშვია. ბევრს იცინებთ და ცოტათი შეიძლება სევდაც შემოგაწვეთ - თქვენი ზრდასრულობის გამო. თუ ფილმის ნახვა გინდათ და ვერ გადაწყვიტეთ, რომელი აარჩიოთ, თვალი გადაავლეთ ჩვენს გალერეას.
