მსახიობმა ლინდსი ლოჰანმა ჰარვი ვაინშტაინს მხარი დაუჭირა.
ლოჰანმა საკუთარ ინსტაგრამზე ვიდეო დადო, სადაც ვაინშტაინს მხარდაჭერა გამოუცხადა. მან ვიდეო მას შემდეგ დადო, რაც ჟურნალმა NEW YORK TIMES-მა სტატია გამოაქვეყნა, სადაც მსახიობი ქალები ვაინშტაინს სექსუალურ შევიწროებაში სდებდნენ ბრალს.
"გამარჯობა, მე ლინდსი ლოჰანი ვარ, სახლში ვარ, დუბაიში. ძალიან ვწუხვარ ჰარვი ვაინშტაინის გამო. ვფიქრობ, არ არის სწორი რაც ახლა ხდება"- ამბობს ლოჰანი ვიდეოში.
მას შემდეგ რაც ჟურნალმა New Yorker-მა ჰარვი ვაინშტაინისა და ერთ-ერთი მსახიობი ქალის აუდიოჩანაწერი გამოაქვეყნა, სადაც ვაინშტაინი ქალს აბაზანაში მასთან ერთად შესვლას აიძულებს, პროდიუსერის ცოლმა მასთან განქორწინება გადაწყვიტა.
"ჯორჯინა [ჰარვი ვაინშტაინის ცოლი] ქმრის გვერდში უნდა დადგეს. მას არასდროს მოუყენებია ჩემთვის ზიანი. ვფიქრობ, ყველა უნდა გაჩერდეს, ეს არასწორია."- თქვა ლინდსი ლოჰანმა.
მსახიობმა ვიდეო დაახლოებით ერთ საათში საკუთარი ინსტაგრამიდან წაშალა.