ქობულეთიდან ბიძინა ივანიშვილის დენდროლოგიურ პარკში კიდევ ერთი ევკალიპტის ხე გადაიტანეს. რუსთავი 2-ის ცნობით, ხის ტრანსპორტირებისთვის სადგურის მიმდებარე ტერიტორიაზე მდებარე გაზონების დემონტაჟი გახდა საჭირო, ასევე ჩაიჭრა ელექტროსადენები და რკინიგზის ხაზები. დაზიანდა წყლის მილიც.
ევკალიპტის ხე სოფელ გელაურიდან გადაიტანეს. სამუშაოები გვიან ღამით კომპანია "ანაგის" წარმომადგენლებმა შეასრულეს.
