კაპანაძე: ივანიშვილს ხელი უნდა შევუშალოთ, ქვეყანა წინააღმდეგობის გარეშე მართოს

ძალიან პრობლემატური იყო ის წინასაარჩევნო გარემო, რომელშიც მოგვიწია მონაწილეობის მიღება, იყო ძალიან ბევრი დარღვევა, ძალადობა, არათანაბარი პირობები, მაგრამ, მიუხედავად ამისა, ჩვენ ვალდებულები ვართ, პატივი ვცეთ ჩვენს ამომრჩეველს, ასევე იმ ამომრჩეველსაც, რომელმაც ხმა არ მოგვცა. დღეს, როგორც არასდროს, საქართველოს სჭირდება ძლიერი პროევროპული ოპოზიცია, რათა ივანიშვილს შევუშალოთ ხელი იმაში, რომ მან მოაგროვოს საკონსტიტუციო უმრავლესობა და მართოს ქვეყანა ისე, როგორც სურს, ყველანაირი წინააღმდეგობის გარეშე. ამიტომ, ჩვენი ვალდებულებაა, ჩვენს ამომრჩეველთან მიმართებაშიც და ასევე ზოგადად საქართველოს მოსახლეობასთან მიმართებაში, რომ ყველა რესურსი გამოვიყენოთ, როგორც საპარლამენტო, ისე არასაპარლამენტო, რათა ივანიშვილს ამაში ხელი შევუშალოთ