თავისუფალი დემოკრატების ლიდერმა ირაკლი ალასანიამ მაჟორიტარი დეპუტატობის ოთხი კანდიდატი წარადგინა.
თავისუფალი დემოკრატების ისნის მაჟორიტარი დეპუტატობის კანდიდატი ლიტერატურათმცოდნე ქეთევან ენუქიძე იქნება, დედოფლისწყარო-სიღნაღის გაერთიანებული ოლქის მაჟორიტარი დეპუტატობის კანდიდატი კი, დედოფლისწყაროს საკრებულოს ყოფილი წევრი ლევან ჯამალაშვილი.
თავისუფალი დემოკრატების მაჟორიტარი კანდიდატი დუშეთი-თიანეთი-ყაზბეგის გაერთიანებულ ოლქში თიანეთის ყოფილი გამგებელი მალხაზ დავითაშვილი იქნება, ხოლო საჩხერის მაჟორიტარი დეპუტატობის კანდიდატი - საჩხერის საკრებულოს წევრი ოლეგ არჯევანიძე.
