სუბარი: პაპუაშვილის განცხადებები პირდაპირ ჯდება სააკაშვილის დაწერილ სცენარში

განცხადებები, რომელსაც საკონსტიტუციო სასამართლოს თავმჯდომარე აკეთებდა, პირდაპირ ჯდება იმ სცენარში, რაც არის დაწერილი სააკაშვილის მიერ. ყველანაირად ცდილობს, დაძაბულობა და არეულობა შემოიტანოს ჩვენს საზოგადოებაში არჩევნებამდე. იცის, რომ არჩევნებს აგებს და არასაარჩევნო გზებს ეძებს. ყველა მცდელობა ჩაუვარდა წყალში. ეს მორიგი კარტიც აღმოჩნდა ბლეფი, ვერაფერი ვერ გააწყო. შესაბამისად, ძალიან ცუდია, რომ მოხდა საკონსტიტუციო სასამართლოს დისკრედიტაცია და ეს პირველ რიგში მისმა თავმჯდომარემ გააკეთა, მაგრამ ყველაფერი დალაგდება, დროებითი მოვლენაა, ადამიანები ინსტიტუციების ბედს ვერ განსაზღვრავენ დიდი ხნით.