აზერბაიჯანში ვულკანი ახტარმა-ფაშალი ამოიფრქვა. აზერბაიჯანული მედიის ინფორმაციით, ვულკანი შუაღამით, 3:00 საათზე ამოიფრქვა. სტიქიური მოვლენა დილამდე გაგრძელდა.
ახტარმა-ფაშალი აზერბაიჯანის ერთ-ერთი ყველაზე დიდი ვულკანია. მისი სიმაღლე 30-35 მეტრია. ის ქალაქ შირვანიდან 35 კილომეტრში მდებარეობს.
ადგილობრივი ხელისუფლების ინფორმაციით, სტიქიას რაიმე დამანგრეველი შედეგი არ მოჰყოლია.