ჩაფიძე: გერმანია და ნორვეგიაც კი არ არის დაცული ცალკეული დამნაშავეებისგან

ისეთი დაცული ქვეყანაც კი, სამართლებრივი თვალსაზრისით და ეკონომიკური კეთილდღეობით, როგორიც გახლავთ ნორვეგია, ან გერმანია, არ გახლავთ დაცული იმისგან, რომ ცალკეულ ადამიანებს ექმნებათ რაღაც გარკვეული ფსიქოლოგიური პრობლემები, ჩამოყალიბდებიან დამნაშავეებად და ა.შ. ეს დამახასიათებელია ყველა საზოგადოებისთვის. მე შემიძლია შეგახსენოთ ის ტრაგედია, რომელიც რამდენიმე კვირის წინ გერმანიაში განვითარდა, მე შემიძლია შეგახსენოთ ასევე ანდრეს ბრეივიკის შემთხვევა, რომელმაც აბსოლუტურად დღისით, მზისით და ძალიან დაცული სახელმწიფოს ფონზე მოახერხა იარაღის შოვნა და ტერორისტული აქტების მოწყობა. კრიმინალი და ტერორიზმი არ არის მხოლოდ ქართული მოვლენა.