თბილისში, პოლიციამ ნარკოტიკული საშუალების უკანონო შეძენა-შენახვის ფაქტზე 1987 წელს დაბადებული ალექსანდრე ლ. დააკავა.
შს სამინისტროს ინფორმაციით, საპატრულო ეკიპაჟმა საქართველოს ერთიანობისთვის მებრძოლთა ქუჩაზე, საგზაო წესების დარღვევისთვის BMW-ს მარკის ავტომანქანა გააჩერა. სამართალდამცველებმა ავტომანქანის დათვალიერებისას, საბარგულში დიდი ოდენობით ნარკოტიკული საშუალება, ნედლი მარიხუანა აღმოაჩინეს.
ექსპერტიზის დასკვნით ამოღებულია 2 კილო და 500 გრ ნარკოტიკული საშუალება მარიხუანა. გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს.