შვეიცარიის ქალაქ ნიონში, ევროპა ლიგის მესამე საკვალიფიკაციო ეტაპის კენჭისყრა გაიმართა. გორის დილას შემდეგ ეტაპზე გასვლის შესანიშნავი შანსი აქვს, რადგან 18 ივლისს დანიური ოლბორგი თბილისში, ანგარიშით 3-0 დაამარცხა. იმ შემთხვევაში, თუ გორელები დანიურ ბარიერს დაძლევენ, მათი მეტოქე ხორვატიის ჰაიდუკისა და მაკედონიის ტურნოვოს წყვილში გამარჯვებული იქნება. ჰაიდუკმა მაკედონიური გუნდი შინ, ანგარიშით 2-1 დაამარცხა.
შეგახსენებთ, რომ გორის დილა დანიურ ოლბორგთან საპასუხო მატჩს 25 ივლისს გამართავს.
რაც შეეხება საჩხერის ჩიხურას, სოსო ფრუიძის გუნდი შვეიცარიულ თუნთან სტუმრად, 2:0 დამარცხდა. იმ შემთხვევაში, თუ საჩხერელები შემდეგ ეტაპზე გასვლას მოახერხებენ, მათი მეტოქე ჩეხურ სპარტასა და შვედურ ჰაიკენს შორის გამარჯვებული იქნება. გუნდებს შორის პირველი მატჩი ჩეხეთში, ფრედ - 2:2 დასრულდა.
მესამე საკვალიფიკაციო ეტაპის მატჩები 1 და 8 აგვისტოს გაიმართება.
