რუსთაველზე მარიხუანის დეკრიმინალიზაცია მოითხოვეს

დღეს, რუსთაველზე, პარლამენტის ყოფილი შენობის წინ მარიხუანის დეკრიმინალიზაციის მოთხოვნით აქცია გაიმართა. 2 ათასზე მეტმა მოქალაქემ, რომელთაც სიმბოლურად მწვანე სამოსი ეცვათ, 4:20 საათზე ჰაერში ქაღალდის თვითმფრინავები გაუშვეს. აქციის მონაწილეთა განცხადებით, მარიხუანის მოხმარება შეიძლება არ არის სასურველი, მაგრამ 21-ე საუკუნეში მისი მოხმარების გამო სახელმწიფოს მხრიდან ადამიანების დევნა ცივილიზებული საზოგადოებისთვის მიუღებელია.

"ჩვენ ვთვლით, რომ საჭიროა მოხდეს ნარკოტიკების კატეგორიზაცია - მარიხუანა უნდა გამოეყოს იმ ნარკოტიკებს, რომელთა მოხმარებისთვისაც გათვალისწინებულია სისხლის სამართლებრივი დევნა და მოხდეს მისი მოხმარების დეკრიმინალიზაცია. მარიხუანის მოხმარებისთვის გონივრული ოდენობის ადმინისტრაციული ჯარიმა დაწესდეს მხოლოდ საზოგადოებრივი თავშეყრის ადგილებში მოხმარების გამო". - განაცხადეს ორგანიზატორებმა.