პარლამენტი საერთო სასამართლოების შესახებ ორგანულ კანონში შესატან ცვლილებებს, 3 აპრილის პლენარულ სხდომაზე განიხილავს.
ამის შესახებ სააგენტო ინტერპრესნიუსს, პარლამენტის საპროცედურო საკითხთა და წესების კომიტეტის ხელმძღვანელმა, ირინა იმერლიშვილმა განუცხადა.
"უმრავლესობის ლიდერების, პრემიერმინიტრისა და პარლამენტის თავმჯდომარის კონსულტაციების შედეგად გადაწყდა, რომ საერთო სასამართლოების შესახებ კანონპროექტის განხილვა 3 აპრილს გაიმართება. შესაბამისად, ხვალინდელი რიგგარეშე სხდომა პრეზიდენტის მიერ მოწვეულია ამ საკითხის გარეშე", - განაცხადა იმერლიშვილმა.
შეგახსენებთ, პრეზიდენტმა, პარლამენტის რიგგარეშე სხდომის მოწვევის განკარგულება გასცა. პარლამენტის რიგგარეშე სხდომა 25 მარტის 14:00 საათზე არის მოწვეული.
განკარგულებას, სხდომის დღის წესრიგიც თან ერთვის, რომლის მიხედვითაც, დეპუტატები 49 საკითხზე იმსჯელებენ. განსახილველ საკითხებს შორის, გათვალისწინებული არ არის, საერთო სასამართლოების შესახებ კანონპროექტის მესამე მოსმენა.
