მთავარი პროკურორის არჩილ კბილაშვილის განცხადებით, პროკურატურა ვანო მერაბიშვილს დაკითხავს. ამის შესახებ კბილაშვილმა სააგენტო ინტერპრესნიუსს განუცხადა. თუმცა კბილაშვილს დაკითხვის ზუსტი თარიღი არ დაუსახელებია.
"ახლა თბილისში არ ვარ. შესაბამისად საქმის მასალებს არ გავცნობივარ და რაც ამ ეტაპზე შემიძლია გითხრათ ისაა, რომ ლოგიკის დონეზე ვანო მერაბიშვილის დაკითხვა მოხდება, თუმცა ბუნებრივია ყველაფერი გაირკვევა მას შემდეგ, რაც ამ საკითხზე სრული გამოძიება ჩატარდება", - აღნიშნა არჩილ კბილაშვილმა.
შინაგან საქმეთა სამინისტრომ მთავარ პროკურატურას ვანო მერაბიშვილთან დაკავშირებულ მასალები გაუგზავნა. შსს თქმით, 2008 წელს მერაბიშვილმა კუდის ხელმძღვანელი დათა ახალაია და ვასილ სანოძე სამსახურიდან გაათავისუფლა, თუმცა მათ მაინც მიუწვდებოდათ ხელი ოპერატიულ მასალაზე და აქტიურად მონაწილეობდნენ კუდის საქმიანობაში