ერაყში აფეთქებებისა და თავდასხმების შედეგად დაღუპულთა რიცხვი იზრდება. სააგენტო როიტერის ინფორმაციით, მსხვერპლმა 50 ადამიანს მიაღწია. პოლიციისა და საავადმყოფოების ცნობით, დაჭრილია 144 ადამიანი.
თავდასხმების სერია მოიცავდა დანაღმული მანქანების აფეთქებას ბაღდადსა და მის შემოგარენში, ასევე ჩრდილოეთში მდებარე ქალაქ კირკუკში, გარდა ამისა, შეიარაღებული პირების თავდასხმებს დიალას პროვინციაში.
13 ივნისის აფეთქებების შემდეგ, რომელსაც 84 ადამიანი შეეწირა და 300 დაიჭრა, ერაყისთვის ეს ყველაზე სისხლიანი დღე აღმოჩნდა. გასულ თვეში თავდასხმების შედეგად, სულ მცირე, 237 ადამიანი დაიღუპა და 603 დაიჭრა
