გორის მუნიციპალიტეტის გამგეობამ კოალიცია ქართულ ოცნებას 15 ივლისს, გორის კულტურის სახლთან აქციის გამართვის ნება დართო.
კოალიციის პრეს-სამდივნოს ინფორმაციით, ქართული ოცნების აქცია 15 ივლისს, 19:00 საათზე გორის მუნიციპალიტეტის მოსწავლე-ახალგაზრდობის კულტურულ საგანმანათლებლო ცენტრის წინ მდებარე მოედანზე გაიმართება.
ქართულ ოცნებას თავდაპირველად აქციის გამართვა გორის ცენტრალურ მოედანზე სურდა, თუმცა მუნიციპალიტეტის გამგეობამ კოალიციას აღნიშნული მოედნის გამოყოფაზე უარი განუცხადა იმ მიზეზით, რომ ეს ტერიტორია საკომუნიკაციო და სატრანსპორტო კვანძს წარმოადგენს და მისი პარალიზება არ არის მიზანშეწონილი.
