აფხაზეთის ტერიტორიაზე გაუჩინარებული მღვდელმონაზონის შესახებ საქართველოს დელაგაციამ დამატებითი ინფორმაცია ვერ მიიღო. მღვდელმონაზონ იონას საკითხი, (რომელიც აფხაზეთის ოკუპირებულ ტერიტორიაზე რამდენიმე დღის წინ გადავიდა და გაუჩინარდა) საქართველოს მხარემ გალში, ინციდენტების პრევენციისა და მათზე რეაგირების მექანიზმების ფარგლებში გამართულ შეხვედრაზე დააყენა. საქართველოს შინაგან საქმეთა სამინისტროს ანალიტიკური დეპარტამენტის ხელმძღვანელის შოთა უტიაშვილი განმარტებით, შეხვედრაზე აფხაზთა მხარის წარმომადგენლებმა აღნიშნეს, რომ მღვდელმონაზონი დაპატიმრებული არ ჰყავთ და თუ ის გატაცებულია, მის მოძებნას შეეცდებიან.
ოკუპირებული ტერიტორიები
