მოხალისეებზე ჩატარებულმა ტესტმა დაადასტურა ”ბისფენოლ ა”-ს არსებობს იმ ადამიანების შარდში, რომლებიც დაკონსერვებულ სუპს იღებდნენ. ტესტის შედეგებზე აშშ-ს სამედიცინო ასოციაციის ჟურნალი წერს. კვლევის ავტორები მიუთითებენ ჯანმრთელობაზე ”ბისფენოლ ა”-ს მავნე ზემოქმედებაზე და დაკონსერვებული სუპების მომხმარებლებს შეახსენებენ, რომ პლასტმასის გამჭირვალე ჭურჭელში შენახულ სუპთან ერთად ”ბისფენოლ ა”-საც იღებენ.
ევროკომისიამ შარშან აკრძალა ამ ნივთიერების გამოყენება საბავშვო ბოთლების დამზადებაში, თუმცა” ბისფენოლ ა”-ს კვლავაც იყენებენ სხვადასხვა გამჭირვალე ჭურჭლის დასამზადებლად, მათ შორის კონსერვირებული სუპებისთვის და ზოგიერთი არაალკოჰოლური სასმელის შენახვისთვის. აღნიშნული ნივთიერება ჭურჭელს იცავს კოროზიისგან და მასში შენახული საკვების შენახვას უწყობს ხელს. 2010 წელს აშშ-ში ”ბისფენოლ ა” აღიარებულ იქნა ჯანმრთელობისთვის საშიშ ნივთიერებად, მეცნიერები აცხადებენ რომ ის მავნე ზემოქმედებას ახდენს ადამიანის ტვინზე და ხდება მიზეზი ონკოლოგიური დაავადებების.
