Reuters-ის ცნობით, აშშ-ს მოქალაქეობისა და იმიგრაციის სამსახურმა 26 ნოემბერს განაცხადა, რომ ვაშინგტონმა ეროვნული გვარდიის ორი სამხედრო მოსამსახურის დაჭრის შემდეგ, ავღანეთის მოქალაქეებთან დაკავშირებული ყველა იმიგრაციის განაცხადის განხილვა განუსაზღვრელი ვადით შეწყვიტა.
აშშ-ს პრეზიდენტმა დონალდ ტრამპმა თქვა, რომ თეთრი სახლის მიმდებარედ მომხდარი სროლა ტერორისტულ აქტს წარმოადგენდა. მისი თქმით, ეჭვმიტანილი აშშ-ში ავღანეთიდან 2021 წელს ჩავიდა.
"მთავარი პრიორიტეტი და მისია კვლავ ჩვენი ქვეყნისა და ამერიკელი ხალხის უსაფრთხოებაა," ნათქვამია აშშ-ს მოქალაქეობისა და იმიგრაციის სამსახურის განცხადებაში, რომელიც პლატფორმა X-ზე გამოქვეყნდა.
თავდასხმის შედეგად დაშავებული აშშ-ს ეროვნული გვარდიის ორივე წევრი კრიტიკულ მდგომარეობაში იმყოფება.
