გამოცემა Reuters-ის ინფორმაციით, ამერიკის შეერთებული შტატების პრეზიდენტი, დონალდ ტრამპი პირველად გამოიყენებს მის უფლებამოსილებას უკრაინაში იარაღების გასაგზავნად.
ტრამპის ადმინისტრაცია პრეზიდენტის უფლებამოსილების ქვეშ დაადგენს აშშ-ს მარაგში არსებულ შეიარაღებას, რომელიც შემდეგ უკრაინას მიეწოდება - Reuters-ის ცნობით, აღნიშნული დახმარება, შესაძლოა, $300 მილიონს შეადგენდეს.
არსებული ინფორმაციით, დახმარების პაკეტში შესაძლოა შევიდეს Patriot-ის თავდაცვის სისტემისთვის განკუთვნილი და საშუალო მანძილის რაკეტები, თუმცა პაკეტში შესატანი აღჭურვილობის სრული სია ჯერ არ დადასტურებულა.
