გამოცემა Associated Press-ის ინფორმაციით, ლიბერიის დროშის ქვეშ მცურავი გემის ეკიპაჟის წევრებმა ხომალდი დატოვეს მას შემდეგ, რაც წითელ ზღვაში რიგი თავდასხმების შემდეგ მას 6 ივლისს ღამით ცეცხლი გაუჩნდა.
AP-ის ცნობით, საბერძნეთის მფლობელობაში არსებულ ბალკერზე, სახელად Magic Seas-ზე თავდასხმაში ეჭვი ჰუსიტების ტერორისტულ დაჯგუფებაზე მიიტანეს, განსაკუთრებით იმის გათვალისწინებით, რომ დაცვის კომპანიის თქმით, გემს ბომბით აღჭურვილი საზღვაო დრონი მოხვდა. მანამდე კი გემი მსუბუქი ცეცხლსასროლი იარაღისა და RPG-ს სამიზნე გახდა.
გამოცემის მიხედვით, იემენელ ჰუსიტებთან დაკავშირებულ მედიაში თავდასხმის შესახებ ინფორმაცია გავრცელდა, თუმცა მასზე პასუხისმგებლობა დაჯგუფებას ჯერ არ აუღია.
ამის მიუხედავად, Associated Press წერს, რომ მათი მხრიდან პასუხისმგებლობის აღებას შესაძლოა, რამდენიმე საათი ან დღე დასჭირდეს.
