უიკერი: თავისუფალმა უკრაინელებმა რუსეთის შორი რადიუსის იერიშის შესაძლებლობები გაანადგურეს

წერს აშშ-ს სენატის შეიარაღებული ძალების კომიტეტისა და ჰელსინკის კომისიის თავმჯდომარე, რესპუბლიკელი სენატორი როჯერ უიკერი X-ზე.

1-ელ ივნისს უკრაინის სახელმწიფო უსაფრთხოების სამსახურმა რუსეთის ოთხ სამხედრო აეროდრომზე უპილოტო საფრენი აპარატებით იერიში მიიტანა. მოგვიანებით, უკრაინის სახელმწიფო უსაფრთხოების სამსახურში განაცხადეს, რომ ოპერაციის შედეგად რუსეთმა $7 მილიარდის ზარალი მიიღო. განცხადებაში ასევე აღნიშნულია, რომ "აბლაბუდას" შედეგად რუსეთის სტრატეგიული თვითმფრინავების 34% დაზიანდა.