უკრაინის შეიარაღებულმა ძალებმა ბახმუტში მდებარე რუსულ სამხედრო შტაბზე იერიში მიიტანა.
ინფორმაციას უკრაინის შეიარაღებული ძალების გენერალური შტაბი ადასტურებს.
"ვადასტურებთ, რომ უკრაინის საჰაერო ძალებმა მე-6 მოტომსროლელი დივიზიის სამეთაურო პუნქტზე გამანადგურებელი დარტყმა მიიტანა, რომელიც ოკუპირებული დონეცკის ტერიტორიაზე, ბახმუტის რაიონში მდებარეობს.
ამ დროისთვის ზუსტდება მტრის დანაკარგების შესახებ ინფორმაცია". – წერია უწყების განცხადებაში.
გენერალური შტაბის ინფორმაციით, იერიშის შედეგად მნიშვნელოვნად შესუსტებულია რუსეთის საოკუპაციო ჯარების ბრძოლისუნარიანობა პოკროვის მიმართულებით.
