აუშვიცის საკონცენტრაციო ბანაკის გადარჩენილები დღეს, 27 იანვარს აუშვიც-ბირკენაუს საკონცენტრაციო ბანაკის გათავისუფლებიდან 80 წლის იუბილეს აღნიშნავენ.
ცნობისთვის, გაეროს გენერალური ასამბლეის 2005 წლის რეზოლუციით, 27 იანვარი ოსვენციმის საკონცენტრაციო ბანაკის გათავისუფლებისა და ჰოლოკოსტის მსხვერპლთა ხსოვნის დღედ დაწესდა.
დაახლოებით 50-მდე გადარჩენილი სიმბოლურად ესტუმრება ყოფილ საკონცენტრაციო ბანაკს, სადაც ისინი სიტყვით წარსდგებიან და პატივს მიაგებენ დაღუპულთა ხსოვნას.
ღონისძიების ფარგლებში ასევე ჩატარდება 90 წუთიანი ცერემონია დაღუპულთა საპატივსაცემოდ - მოგვიანებით სიტყვით გამოვა პოლონეთის პრეზიდენტი, ანდჟეი დუდაც.
მსოფლიოს სხვადასხვა ლიდერებთან ერთად, ღონისძიებას დაესწრება გერმანიის კანცლერი, ოლაფ შოლცი და ბრიტანეთის გაერთიანებული სამეფოს მეფე, ჩარლზ III.
