მოლდოვის საპრეზიდენტო არჩევნების მეორე ტურში მოქმედმა პრეზიდენტმა, მაია სანდუმ გაიმარჯვა.
ახლანდელი მონაცემებით, სანდუმ ხმების 55.4% მოიპოვა, მისმა მოწინააღმდეგემ, პრორუსმა პოპულისტმა კანდიდატმა, ალექსანდრ სტოიანოგლომ კი ხმების 44.6% მიიღო. ჯამში ამომრჩეველთა ხმების 99.82% არის დათვლილი.
მოლდოვის ცენტრალური საარჩევნო კომისიის მიხედვით, ამჟამინდელი მოცემულობით, სანდუმ 929 722 ხმა მოიპოვა, სტოინაოლგომ კი 748 601 ხმა მიიღო.
ამჟამინდელი მონაცემებით, არჩევნებში საზღვარგარეთ 325 564-მა ადამიანმა მისცა ხმა, რაც მოლდოვისთვის რეკორდული მაჩვენებელია.
მანამდე, მოლდოვის პრეზიდენტის, მაია სანდუს მრჩეველმა ეროვნული უსაფრთხოების საკითხებში, სტანისლავ სეკრიერუმ განაცხადა, რომ ქვეყნის საპრეზიდენტო არჩევნების მეორე ტურში რუსეთის მხრიდან ჩარევა "მასობრივად" მიმდინარეობდა.
