რუსეთ-უკრაინის 2022-25 წლის ომი

ნორვეგია უკრაინას საჰაერო თავდაცვის გასაძლიერებლად $93 მილიონით დაეხმარება

Patriot-ის სარაკეტო სისტემები ერთ-ერთ გერმანულ სამხედრო აეროპორტში
Axel Heimken/picture alliance/Getty Images

ნორვეგიის პრემიერმინისტრმა, იონას გარ სტიორმა ვაშინგტონში NATO-ს სამიტზე განაცხადა, რომ ნორვეგია უკრაინას საჰაერო თავდაცვის გასაძლიერებლად $92.69 მილიონით დაეხმარება.

მანამდე, ერთი დღით ადრე, ნორვეგიამ დააანონსა, რომ უკრაინას ექვს ერთეულ F-16-ის ტიპის ავიაგამანადგურებელს გადასცემს, რათა უკრაინამ რუსული საჰაერო იერიშებისგან თავის დაცვა უკეთ შეძლოს.

"უკრაინელებს საჰაერო თავდაცვა უფრო მეტად სჭირდებათ, რათა საკუთარი მოსახლეობა რუსული ბომბებისა და რაკეტებისგან დაიცვან" - განაცხადა ნორვეგიის პრემიერმა.

NATO-ს სამიტზე ალიანსის წევრი სახელმწიფოები შეთანხმდნენ, რომ უკრაინას 1 მილიარდი დოლარის ღირებულების ჰაერსაწინააღმდეგო თავდაცვის სისტემებით დაეხმარებიან და ჰაერსაწინააღმდეგო თავდაცვის დამატებით სისტემებს გადასცემენ.

უკრაინის პრეზიდენტს ვოლოდიმირ ზელენსკის ნათქვამი აქვს, რომ უკრაინას რუსული იერიშების მოსაგერიებლად, სულ მცირე, დამატებით შვიდი Patriot-ის სისტემის ბატარეა სჭირდება. 

კომენტარები