დიდი ბრიტანეთის საელჩოს ინფორმაციით, ამ ზაფხულს, გაერთიანებულ სამეფოს საქართველოში 2024 წლის აგვისტოდან ახალი ელჩი ეყოლება.
საელჩოს ცნობით, მარკ კლეიტონს გარეთ უორდი რამდენიმე თვეში შეცვლის. საქართველოში 4-წლიანი მისიის დასრულების შემდეგ, მარკ კლეიტონი საქმიანობას გაერთიანებული სამეფოს დიპლომატიურ სამსახურში სხვა პოზიციაზე განაგრძობს.
ბრიტანეთის საელჩო ახალი ელჩის, გარეთ უორდის ბიოგრაფიასაც აქვეყნებს.
"ცოტა რამ გარეთ უორდის შესახებ:
გარეთ უორდი გაერთიანებული სამეფოს დიპლომატიურ სამსახურში 1998 წლიდან მუშაობს.
სრული სახელი: გარეთ ედუარდ უორდი
2022 - 2024: გაერთიანებული სამეფოს საგარეო, თანამეგობრობისა და განვითარების სამინისტრო (FCDO) აღმოსავლეთ ევროპისა და ცენტრალური აზიის დეპარტამენტი
2018 -2022: დიდი ბრიტანეთის ელჩი, ვიეტნამი
2017: უმაღლესი სამეთაურო-საშტაბო კურსი, გაერთიანებული სამეფოს თავდაცვის აკადემია
2014-2017: გაერთიანებული სამეფოს საგარეო და თანამეგობრობის სამინისტრო (FCO), დირექტორის მოადგილე და ჩინეთის დეპარტამენტის ხელმძღვანელი, აზიისა და წყნარი ოკეანის დირექტორატი
2010 -2013: დიდი ბრიტანეთის გენერალური კონსული, სანკტ-პეტერბურგი
2007-2010: საგარეო და უსაფრთხოების პოლიტიკის განყოფილების პირველი მდივანი, დიდი ბრიტანეთის საელჩოში პეკინი
2002-2006: ევროპის დირექტორატის იუსტიციისა და შინაგან საქმეთა განყოფილების უფროსი, საგარეო და თანამეგობრობის სამინისტრო (FCO)
1998 - 2002: მეორე პოლიტიკური მდივანი, ბრიტანეთის საელჩო, მოსკოვი" - წერია გაერთიანებული სამეფოს საელჩოს განცხადებაში.
