აშშ-ს პრეზიდენტი ჯო ბაიდენის ადმინისტრაციამ 24 მაისს უკრაინისთვის ახალი, 275 მილიონი დოლარის ღირებულების სამხედრო დახმარება გამოყო მაშინ, როცა რუსეთი ხარკოვის მიმართულებით აქტიურ იერიშს აგრძელებს.
აშშ-ს სახელმწიფო მდივანმა ენტონი ბლინკენმა თქვა, რომ დახმარება არის აშშ-ს ძალისხმევის ნაწილი, დაეხმარონ უკრაინას ხარკოვის მიმართულებით რუსეთის იერიშის მოგერიებაში. მისივე თქმით, აქამდე გამოყოფილმა დახმარებამ ფრონტის ხაზს უკვე მიაღწია და ბოლო პაკეტს უკრაინას რაც შეიძლება ჩქარა მიაწვდიან.
პაკეტი მოიცავს HIMARS-ის რაკეტებს, 155 და 105-მმ-იან ჭურვებს, ჯაველინებს, AT4-ის ტიპის ტანკსაწინააღმდეგო სისტემებს, ტანკსაწინააღმდეგო ნაღმებს, ტაქტიკურ მანქანებსა და მცირე ზომის ტყვია-წამალს.
